Mga Sugbuanon misaulog usab sa pista sa Jesus Nazareno
CEBU, Philippines — Mga Sugbuanon nakigsaulog usab sa kapistahan ni Jesus Nazarene pinaagi sa usa ka selebrasyon sa Archdiocesan Shrine of Jesus Nazareno sa Barangay Cansojong dakbayan sa Talisay.
Gidugok ang maong Archdiocesan Shrine sa mga deboto og nitambong sa misa nga gisaulog ni Archbishop Jose Palma uban sa mga kaparian sa Archdiocese of Cebu.
Lakip sa nitambong sa maong kalihukan si Talisay City Mayor Samsam Gullas og 1st District Representative Rhea Gullas.
Usa sa mga deboto nga 60 anyos nga ginang mihulagway nga dili mominos 15 ka tuig na siya nga nagdebosyon sa Jesus Nazareno human siya nahatagan og alibyo sa iyang gipamate nga sakit.
Si Mayor Gullas sa iyang bahin nitug-an nga dugay na usab siyang deboto kay siya mismo nakasinati og milagro pinaagi niini.
Ang Arsobispo nitug-an nga makapadasig ang gipakita nga debosyon sa mga tawo sa Jesus Nazarene ug sa balaang bata bisan taliwala sa naagian sa matag usa sa nasud og sa kalibutan. — MEL (BANATNEWS)
- Latest
