CEBU, Philippines — Nadakpan na og balik sa Alcoy Municipal Police Station ang usa sa duha nila ka mga Persons Under Police Custody nga mieskapo pasado alas 8 sa gabii niadtong adlaw’ng Lunes.
Nasayran ang mga mieskapo mao sila si Raymundo Amacna nga dunay kasong paghupot og illegal nga drugas ug si Junemark Anoling nga dunay kaso sa pagpangawat.
Sa report sa Alcoy Municipal Police Station nga kining si Anoling nangayo og tubig ug dihang gipasulod sa police ang container nga gisudlan sa tubig gitukmod matud pa Anoling ang polis nga natumba ug dihadiha mieskapo dayon kini.
Human sa hitabo, dali nga gipangita sa kapulisan ang mga nieskapo. Nadakpan dayon pagbalik si Raymundo kinsa miingon matod pa nga nadala ra siya ni Junemark sa pag-ikyas.
Sa pagkutlo ning maong balita padayon nga gipangita sa kapulisan si Amacna hinoon duna nay lead ang kapulisan kun asa kini nagtago-tago karon.
Subay sa maong hitabo, si Police Lieutenant Colonel Gerard Ace Pelare, tigpamaba sa Police Regional Office(PRO)-7 miingon nga nihimo na og imbestigasyon ang PRO-7 kung dunay nahitabong pagpasagad sa habig sa Chief of Police ug sa Police nga duty atong tungura.
“Right now atong focus is ma-recover ang nakaeskapo,” sigon ni Pelare. IBM (BANATNEWS)