P4 milyong shabu, mga armas nasakmit
CEBU, Philippines — Niabot sa kapin P4 milyones nga balor sa ilegal nga drugas ang nasakmit sa nagkalain-laing buhatan ubos sa Police Regional Office (PRO)-7 sa duha ka adlaw nila nga Simultaneous Anti-Criminality Law Enforcement Operations (SACLEO) gikan da December 15 hangtud sa 17 tuig 2023.
Nakompiskar sa kapulisan ang 725.98 grams nga gituohang shabu ug 15 ka tawo ang nasikop.
Sa loose firearms nakapahigayon sila og 83 ka operasyon, 120 ang nakompiskar ug gitahan nga armas ug napulo ka tawo ang nadakpan.
Sa illegal gambling, nakahimo sila og 124 k operasyon, 225 ang arestado nga mobalor og kapin P21,000.
Samtang sa wanted person, 80 ang nadakpan diin 12 niini most wanted persons ug 68 ang other wanted persons.
Sa Dakbayan sa Talisay, tulo ka gipasanginlang durugista ang nadakpan sa gihimong buy bust operations gikan Sabado sa gabii hangtud adlaw nga Domingo.
Sa operasyon sa Sitio Laray, Barangay San Roque nadakpan si Jevie Amarillo Abasolo alyas Ebyang, 26 ug ang iyang kaubang si Rheñel Cainglet Pulpul alyas Renz, 28, pulos nagpuyo sa maong dapit.
Ang duha nakuhaan og drugas nga nitimbang og 25 gramos nga adunay gibana-bana nga P170 mil.
Samtang Domingo sa kaadlawon gidakop si Wilbert Delvalle Mayola alyas Tating diha sa sitio Dawis, Barangay Tabunok human nakuhaan og 15 ka gramos nga gituohang shabu nga nikantidad og P102 mil. (BANAT NEWS)
- Latest
