CEBU, Philippines — Giaprobaran na ang paghatag og bonus sa mga empleyado sa Cebu City Hall atol sa session sa konseho niadtong Miyerkules sa hapon.
Kini ang gibutyag ni Konsehal Noel Wenceslao, chairman sa Committee on Budget and Finance.
Matud ni Wenceslao nga natigayon ang ilang deliberation sa konseho sa giduso nga supplemental budget sa executive department alang sa paghatag na og bunos ngadto sa mga empleyado.
Gibutyag ni Wenceslao nga atol sa ilang deliberation ilang nadesisyonan nga mohatag og bonus ngadto sa mga regular og casual nga empleyado diin imbes P35 mil gihimo nalang nila ngadto sa P20 mil.
Samtang sa mga job order imbes P10 mil gihimo nalang nila ngadto sa P5 mil.
Matud usab ni Wenceslao nga gihimo nila ang paghatag sa maong kantidad diin subay kini sa national ug ang ilang ihatag nga bonus husto ra kini.
Si Wenceslao nagkanayon nga gisusama usab nila ang paghatag karong tuiga sa nilabay’ng tuig nga P20 mil lang gihapon.
Dugang ni Wenceslao nga depende na kini sa executive department kong kanos-a nila kini ihatag ngadto sa mga trabahante ug kinahanglang wala pa ang pasko mahatag na kini. — BDB (BANATNEWS)