HVI nga pusher nasikop sa siyudad sa Lapu-Lapu

CEBU, Philippines —  Nadakpan sa kapolisan sa Lapu-Lapu City Police Office (LCPO) ang usa ka Top 10 High Value Individual nga pusher sa Central Visayas.

Si Police Lieutenant Colonel Christian Torres, pangulo sa City Investigation Detection and Management Unit (CIDMU) ug tigpabama sa LCPO miila sa dinakpan sa angga nga JR (apilyedo gipugngan).

Didto kini madakpi sa sitio Pool Dumpsite sa Barangay Bankal alas 10 pasado sa miaging gabii atol sa buy bust operation.

Nasakmit gikan sa suspek ang 5 gramo nga shabu nga nagkantidad og P34,000.00 base sa standard value niini.

Gipasabot ni Torres nga gamay lang ang shabu nga ilang nakuha apan sa gihimo nga pakisusi ilang nasuta nga ang maong dinakpan mohalin kini sa itagak nga shabu sa  siyudad sa Sugbo, Mandaue ug siyudad sa Lapu-Lapu og kapin sa usa ka kilo sa matag semana. — MEL (BANATNEWS)