Patay'ng lawas napalgan sa brgy Buaya siyudad sa Lapu-Lapu

CEBU, Philippines — Gihimo karon sa kapolisan sa Presinto 5 sa Lapu-Lapu City Police Office (LCPO) ang pakisusi sa patay'ng lawas sa usa ka lalaki nga napalgang nag-buy-od sa bakanteng luna sa Zone 3, Saac 1, Barangay Buaya sa Siyudad sa Lapu-Lapu.

Nadiskubrehan sa usa ka molopyo sa maong lugar ang maong patay'ng lawas alas 5:30    sa buntag adlaw nga Miyerkules, Disyembre 13, 2023.

Hinuon ang kapolisan dili pa makatino sa hinungdan sa kamatayon niini apan nakakuha na sila og pangalan gikan sa pipila ka mga residente sa maong dapit ug kini giila lang nga JR Niya alyas Eyok.

Sa pasiunang imbestigasyon nga gihimo sa kapolisan ilang nasayran nga nalambigit kini sa kaso sa ilegal nga drugas. (BANAT NEWS)