CEBU, Philippines — Gihugopan karon sa pagbista sa mga Oponganon ang bag-o lang gibuksan nga Kasadya Food Park nga nahimutang sa hoops dome diha sa Barangay Gun-ob sa Dakbayan sa Lapu-Lapu.
Gipangulohan nila ni Mayor Junard "Ahong" Chan ug Kngresista Cindi King-Chan ang pagbukas niini niadtong Biyernes sa gabii.
Mga nagkadaiyang putahi sa pagkaon nga naglakip sa mga pagkaon gikan sa kadagatan sama nagkadaiyang matang sa kinhason, isda, adunay inon-unan nga bakasi ug uban pa ang giladlad diha sa Kasadya Food Park.
Giklaro ni Mayor Chan nga ang mga pagkaon nga giladlad diha sa food park dili lang alang sa mga Oponganon, alang usab kini sa tanan nga mga dumuduong nga mobisita sa lugar.
Naglakip usab sa mga pagkaon nga gidalit sa maong lugar ang Lalan-ong Pinoy Barbecue, mga Korean food, sinugbang isda ug uban pa. — /BDB (BANAT NEWS)