CEBU, Philippines — Ang nag-inusarang Sugbuanon nga 2023 Bar Examinations topnotcher nagagikan sa University of San Jose Recoletos.
Ang nakapasar ug nabutang sa top 8 mao si Paulo Batulan kinsa nakakuha og 88.25% sa iyang iskor gikan sa 10,372 ka bar examinees niadtong Septiyembre ning tuiga.
Sa maong gidaghanon sa nikuha sa pasulit, 3,812 ang nakapasar o 36.77% nga nagpamatuod nga ang Bar Exams sa Pilipinas maoy usa sa labing lisod nga pasulit.
Ang USJR ikaupat rankings sa tanang law schools pinaagi sa ilang 51 nga nakapasar gikan sa 100 nila ka takers. Samtang ikatulo sa ranking ang University of San Carlos School of Law and Governance human sa sobra 100 nila ka takers ang nakapasar.
Si Batulan, 27, nga lumad nga taga Minglanilla, daan ng usa ka Certified Public Accountant miingon nga wala siya magdahum nga maapil sa top 20.
Matud niya, dihang gibasa na ang top 11, na –discourage na siya kay wala pa gyud siya matawag. Apan pagbasa sa top 8, nakugang siya kay iyang picture ang nigawas. Nakahilak siya pagkakita niini.
Si Batulan magna cum laude sa BS Accountancy Course sa USJR nagtrabo karon sa Bureau of Internal Revenue sa Mandaue City isip accountant and plans.
Lain sab Sugbuanong tigbalita ang nakapasar sab sa Bar exams nga mao si kanhi ABS-CBN reporter Carine Asutilla-Lapid.
Sa Facebook post ni sa laing kanhi tigbalita nga si Atty. John Dx Lapud: “2093 Congratulations! Mommy, Carine Era Asutilla Lapid all hardwork paid off!”-- The Freeman, IBM (BANATNEWS)