CEBU, Philippines — Si Cebu City Mayor Michael Rama niawhag sa konseho sa siyudad ug sa iyang executive department sa pagsusi na sa mga panginahanglanon aron mahatag na ang bonus sa mga emepleyado lakip niini ang mga job order.
Kini ang gipadayag ni Rama atol sa press conference niini niadtong Martes nga
gitambongan sa mga department head ug ni Konsehal Dondon Hontiveros.
Matud ni Rama nga angay tan-awon na sa konseho lakip ang ordinansahon nga
ipalabang diin ilakip sa paghatag og bonus ang mga JO.
Si Rama nagkanayon nga iyang tinguha atol sa iyang pagbalik anaa na ang resulta sa
pagtuki alang sa paghatag og bonus.
Si Atty. Jerone Castillo, budget officer sa siyudad nagkanayon nga ilaha nang giduso
sa konseho ang tinguha nga paghatag sa bonus sa mga empleyado lakip sa mga JO
diin magpaabot nalang sila unsay tubag human na-comply na nila ang mga rekisitos nga gikinahanglan.
Gibutyag ni Castillo nga ang desisyon kabahin sa paghatag og bonus anaa na sa konseho.
Sa iyang bahin, si Hontiveros nibutyag nga aduna nay gihimo ang konseho kabahin sa maong mga bonus apan dili pa siya makabutyag unsay desisyon sa konseho
tungod kay sugod kagahapon mag-out of the country usab siya diin malaumon siya nga positibo ang mahimo nga resulta niini.