CEBU, Philippines — Ipahigayon na usab dinhi sa dakbayan sa Sugbo ang Pasko sa V. Rama diin sugdan na kini karong adlaw nga Biyernes, December 1, 2023 pinaagi sa parade sa alas dos sa hapon.
Makita unya ang mga madan-ag o hayag nga kadalanan gikan sa San Nicolas ngadto
na sa Barangay Guadalupe.
Si Ian Hassamal ang pangu sa Department of General Services nitug-an nga makita
unya ang dili mominos sa 20 ka mga parol nga ipangbitay nga hinimo sa mga
engineers sa Cebu City Hall.
Apan wala hinoon kini apil sa contest tungod kay halad lang kini sa mga engineers
nga magpuno alang sa dayan-dayan sa pasko sa maong dapit.
Suma pa sa bag-ong kapitan sa barangay Calamba Dr. Ester Concha, ang mga parol
nga idayan-dayan sa Pasko sa V. Rama hinimo sa mga bata nga naa sulod sa
operation second chance nga nahimutang sa Barangay Kalunasan.
Dili mominos usab sa napulo ka mga sound systems ang moapil sa himoon nga
battle of sound systems sa gym sa Barangay San Nicolas sa dili pa ang parade nga ipahigayon.
Gipaabot nga dako-dako nga premyo ang madawat sa mga mananaug sa lain-lain nga kategoriya.