Mga napiling opisyal sa BSKE sa mga siyudad ug kalungsuran nanumpa

CEBU, Philippines — Niabot sa 405 k bag-ong napili nga barangay ug Sangguniang Kabataan officials ang  nanumpa sa ilang katungdanan sa Lungsod sa Argao.

Ang mass oath taking gipahigayon didto sa Sec. Cerge M. Remonde Sports and Cultural Center niadtong Biyernes kinsa si Gobernador Gwendolyn Garcia maoy nagpapanumpa sa maong mga bag-ong napiling opisyal sa BSKE.

Ang maong mga opisyal gikan sa 45 ka barangay sa Lungsod sa Argao.

Samtang sa Siyudad sa Toledo, ang mga bag-ong opisyal usab sa barangay ug SK sa siyudad ang hingpit nga nanumpa.

Mao usab sa Lungsod sa Asturias niadtong Biyernes diin nitambong ang 20 ka barangay kapitan ug ang mga kagawad lakip na ang 25 ka SK chairperson ug ilang mga kagawad sa mass oath taking nga gipahigayon didto sa Asturias Sports Complex.

Gipangulohan ni Mayor Dana Andrew “Donkey” Dumdum ug Kongresista PJ Garcia ang pagpanumpa sa mga bag-ong napili nga barangay ug SK officials.

Sa laing bahin, ang mga napiling opisyales usab sa BSKE sa Dakbayan sa Mandaue ang gipaubos usab sa mass oathtaking ceremony diha sa Mandaue City Cultural Sports Complex,

Ang maong opisyales nanumpa kang Mayor Jonas Cortes sa Dakbayan sa Mandaue.

Si Cortes niawhag sa nahisgutang opisyales nga magkahiusa diin aduna silay usa ka tumong nga mao ang pagserbisyo sa ilang mga konstituwente. — /BDB (BANAT NEWS)