Dalagita giamong-amongan sa habal-habal driver

CEBU, Philippines — Gireklamo sa usa ka dalagita nga tinun-an sa grade 6 sa Lungsod sa Consolacion ang usa ka habal-habal driver og pagpanglugos sulod sa upat ka higayon.

Ang biktima nisaysay sa women section sa Consolacion Police Station nga ang suspetsado nga giila sa ngalan nga “Renato”, hingkod ang panuigon, habal-habal driver niadtong niaging adlaw nihagad kaniya nga mosakay sa motorsiklo niini.

Ang biktima nipasangil nga nagtinguha na usab ang  maong habal-habal driver nga subli na usab siya nga among-amongan niini hinungdan nga nidangop na siya sa kapolisn.

Ang biktima nibutyag nga nahitabo ang pagpanglugos  ngadto kaniya sa suspetsado niadtong Oktubre 10, 2023 diha sa labong nga kasagbotan, gisundan kini niadtong Oktubre 20,  23 ug Oktobre 30, 2023. (BANAT NEWS)

Show comments