CEBU, Philippines — Daku ang pagsalig sa kadagkuan sa Talisay City Chamber of Commerce and Industry nga kontrolado sa kapolisan sa dakbayan sa Talisay ang sitwasyon sa kahapsay ug kalinaw sa siyudad.
Kini maoy paghulagway sa bag-ong bise presidenti sa Talisay City Chamber of Commerce and Industry TCCCI, Lendece Cal.
Si Cal nitataw nga kung adunay malinawon nga lugar diha sab mosunod ang paglambo niini pinaagi sa pagsulod sa mga negosyo.
Asoy pa niya nga naa sa 80 ngadto sa 90 porsyento ang iyang nakita nga ang katawhan sa Talisay luwas ug dili mahadlok ang negosyante sa pagbubo sa ilang puhonan.
Una niini, ang grupo sa Talisay City Chamber of Commerce and Industry aduna nay bag-ong liderato human sa termino ni Cyril Velasco.
Ang bag-ong presidenti nga si Archie Campo naglaraw sa pagpalambo sa ilang negosyo pinaagi sa pagsagop sa digital nga mga pamaagi aron matabangan ang gagmay nga mga magpapatigayon sa dakbayan. —/MEL (BANAT NEWS)