Mga tricycle driver sa Mandaue nakadawat og ayuda

CEBU, Philippines —  Nakadawat og bugas ang 330 ka mga tricycle driver sa siyudad sa Mandaue nga sakop sa nagkadaiyang kahugpongan.

Gihimo ang pagpanghatag sa bugas pinaagi sa buhatan sa Mandaue City Social Welfare Services.

Si Mandaue City mayor Jonas Cortes ang nakahukom sa paghatag og bugas sa mga tricycle isip tabang sa kagamhanan sa ilang matag adlaw nga panginahanglan.

Suma pa usab ni konsehal Jimmy Lumapas nga maoy chairman sa committee on transportation nga ang administrasyon ni Mayor Cortes walay hunong sa pagpangita og mga paagi sa pagtabang sa panginahanglan sa katawhan.

Sa gihimong pagpanghatag og bugas niadtong miaging adlaw maoy nakadawat ang mga tricycle driver gikan sa Cabancalan, Maguikay, Banilad, Bakilid ug Tipolo. (BANAT NEWS)