Rama ug Cortes mipirma og commitment pagsulbad sa baha

CEBU, Philippines — Gihulagway nga makasaysayanon ang panaghiusa sa Dakbayan sa Sugbo ug Dakbayan sa Mandaue pagsulbad sa baha nga giselyohan sa duha ka mga dagkong LGU pinaagi sa pagpirma sa ilang commitment nga magtinabangay.

Gipirmahan nila ni Cebu City Mayor Michael Rama ug Mandaue City Mayor Jonas Cortes ang commitment sa paghimo og hiniusa nga lakang sa pagsulbad sa problema.

Human sa commitment signing gihimo usab nila ang symbolic planting sa miniature flag o marker sa mga sapa sa duha ka dapit.

Kahinumduman tuig na karong buwana sa dihang nahitabo ang pagbaha sa mga dapit nga naagian sa Butuanon River sa dakbayan sa Sugbo hangtud na sa Dakbayan sa Mandaue diin adunay mga balay nga gipang-anod sa baha.

Ang maong problema nagpadayon hangtud ning panahona ug nagka grabe pa ang epekto niini ngadto sa kinabuhi sa mga residente.

Gani nalubog sa baha ang komunidad sa Nasipit sa barangay Talamban tungod kay walay kaagian sa tubig nga mugna sa ulan.

Ang tubig sa Butuanon River dakong pahat niini naggikan sa Dakbayan sa Sugbo apan gisalod kini sa Dakbayan sa Mandaue.

Nitambong usab ang mga sakop sa konseho sa duha ka siyudad kinsa nihatag sa hugot nilang suporta sa collaborative river governance.

Sa maong panaghiusa tinguha sa duha ka mga LGU ang preservation ug rehabilitation sa mga sapa nga nag-agi sa duha ka siyudad.

Mohimo usab sila og Technical Working Group nga motutok sa Exploration sa Environmental and Engineering Solutions alang sa flood mitigation.  (BANAT NEWS)