Tulo nadakpan sa pagronda sa tigbakay sa barangay Catarman

CEBU, Philippines —  Tulo ang nadakpan ug usa ang nakaeskapo human gironda sa kapolisan ang gipahigayong tigbakay sa mga sugarol sa Barangay Catarman, Lungsod sa Cordova niadtong Domingo sa hapon.

Si Police Major Michael Gingoyon, hepe sa kapolisan sa maong lungsod maoy nangulo sa pagpangronda.

Ang mga nadakpan giila nga mao sila si Wilfredo Torrejas, 52 anyos, usa ka construction worker, Eureneo Sitoy, 30 anyos ug ig-agaw niini nga si Alfredo Sitoy, 30 anyos nga pulos ngpuyo sa barangay.

Samtang ang nakaeskapo nga tulin kaayong nakadagan pahilayo mao si Elmer Torrejas, hingkod ang panuigon nga nagpuyo usab sa maong dapit. Nakuha nga mga ebidensiya sa kapolisan ang duha ka mga manok nga pulos gitaoran na og buwang, kwarta nga gituohang pusta sa sultada sa mga sugarol.

Ang tulo ka dinakpan apil na sa usa nga nakasibat ang pasakaan og kaso nga kalapasan sa Republic Act 6102 nga dunay pyansa nga P30,000 alang sa ilang temporaryong kagawasan.  MEL  (BANATNEWS)

Show comments