Mga militante dismayado sa P33 nga usbaw sa suholan
CEBU, Philippines — Dismayado ang mga sakop sa progressive groups sa P33 nga umento sa suholan kay dili kini makasapal sa nagmahal nga palaliton.
Matud pa ni Jaime Paglinawan, chairman sa AMA Sugbo-KMU, maayo man adunay umento sa suholan tungod kay demanda man kini sa mga trabahante, pero gamay ra kaayo ug langay pa ang pagpatuman.
Sumala pa ni Paglinawan, wala gipaminaw ang argumento sa mga kahugpungan sa mga mamumuo panahon sa public hearing.
Dugang pa ni Paglinawan, padayon sila nga modemanda og dugang suholan ngadto sa mga magbabalaod ug adunay pending karon nga balaodnon ni Senate President Migz Zubiri alang sa 150 across the board wage increase ug anaa usab counterpart bill nga naa sa house of representatives.
Gibutyag ni Paglinawan nga maglusad sila ug signature campaign ug makighinabi sila sa mga district representatives nga naa sa sugbo aron masuportahan kini nga balaodnon.
Gitug-an ni Paglinawan, nagkadako ang Gross Regional Domestic Producrs ug kon walay mamumuo dili mamugna ang produkto ug dako kaayo ang ginansya nga naa sa kamot sa mga kapitalista.— /IBM (BANAT NEWS)
- Latest
