Labing unang babayeng direktor sa MCPO milingkod
CEBU, Philippines — Bag-o na ang City Director sa Mandaue City Police Office (MCPO) human gipahigayon kagahapon sa buntag ang turnover ceremony.
Si Police Col. Maribel Getigan mao na ang bag-ong City Director diin iyang gihulipan sa katungdanan si Police Colonel Jeffrey Caballes.
Matud ni Police Lt. Col. Gerard Ace Pelare, tigpamaba ni Police Regional Office (PRO)-7 Director Brigadier General Anthony Aberin nga nagpakita nga wala nagkuwang ang PRO-7 sa mga kababayen-ang mga polis nga competent ug andam modumala og mga significant roles.
Si Getigan ang labing unang babaye nga polis nga mangulo sa kapulisan sa Dakbayan sa Mandaue. “Pero kini si Police Colonel Getigan dili siya bag-o aning sitwasyon because if you can remember she was the Chief of Police of Danao City Police Station also,” matud ni Pelare.
Direktiba ni Brigadier General Aberin kang Getigan mao nga ipadayon ang kampanya ni Chief PNP General Benjamin Acorda Jr. nga five-focused agenda.
Masaligon sab si Aberi sa kapabilidad ni Getigan kinsa napiling usa sa mga outstanding women sa nasud.
“Ang competence ani beyond question so ang instruction lang sa atong RD PRO-7 continue the anti-criminality programs of the predecessor,” asoy ni Pelare.
Nasayran si Getigan kanhi Logistic Officer sa PRO-7 samtang si Caballes maoy hulip sa nabiyaan nga posisyon niini. IBM (BANATNEWS)
- Latest
