CEBU, Philippines — Gihangop ni Lapu-Lapu City Mayor Junard “Ahong” Chan ang pito ka mga Oponganon nga sakop sa Philippine Accessible Disability Service (PADS) Paradragon Elite Team nga milampus sa paghakot og unom ka medalyang bulawan, lima ka silver medal ug 11 ka bronze medal.
Sa pagbisita nila sa buhatan ni Mayor Chan gipresentar sa pito ka aleta ang mga medalya ngadto sa mayor.
Si mayor Chan nagtinguha sa paghatag og pahalipay pinaagi sa paghatag og incentive.
"I will recommend to the City Council, through Sport Committee Chairperson Councilor Janvi de la Serna, giving recognition and incentives to these seven paddlers who brought honor to Lapu-Lapu City," suma pa ni Chan.
Giila niya ang pito ka "Top Arm" paddlers nga sila si Myra Puso sa Barangay Poblacion; Princess Dag-om sa Barangay Basak; ug John Tiu sa Barangay Canjulao.
Si Mayor Chan miingon nga misalmot ang kagamhanan sa dakbayan sa 16th World Dragon Boat Racing Championships nga gipahigayon sa Rayong, Pattaya, Thailand nga nagsugod niadtong August 7 hangtud sa August 13, 2023 nga ubos sa sponsorship sa International Dragon Boat Federation. MEL (BANATNEWS)