Kampanya kontra e-sabong sa CV malampuson
CEBU, Philippines — Ang Police Regional Office-7 nangangkon nga nagbunga na ang gipangusgang kampanya kontra e-sabong dinhi sa rehiyon sukad gimando ni Department of Interior and Local Government (DILG) Secretary Benjamin Abalos Jr., nga hunungon ang tanang illegal e-sabong sa Central Visayas.
Sugod sa miaging tuig, walay puas ang PRO-7 sa operasyon niini batok sa e-sabong isip pagtuman sa kamanduan ni Abalos.
Ang gipahigayon nga pagpangronda miresulta sa pagkasikop sa gatosan ka mga mamustahay ug mga operators ingon man ang pagpanakop sa mga tigbakayan ug mga patago-tago nga buwangan nga i-live sa social media nga maoy gibasehan sa e-sabong operations.
Gawas niini, ang sa pag operationalize sa kampanya subay na sa legal procedures, usa ka manual sa kampanya batok illegal e-sabong operations ang giumol aron paggiya sa mga operatiba.
Daghang mga police operations ang pinaagi sa search warrants, cyber patrolling, inventory sa tanang cockpit arenas, estriktong implimentasyon sa cockfighting law ug intelligence operations.
Ang tinguha mao ang hingpit nga pagwagtang sa e-sabong sa Central Visayas subay na sa kamanduan sa DILG.
“Heeding to the unequivocal intent of Atty. Benjur Abalos Jr. when he assumed the post is to stop e-sabong in Central Visayas, PRO 7 conducts aggressive and proactive police interventions to make sure that e-sabong will not resurrect in the region. We shall follow SILG’s lead in his desire to stop e-sabong in the country,” sigon ni PRO-7 Regional Director Brigadier General Anthony Aberin. (BANAT NEWS)
- Latest
