Lapu-Lapu nihatag og cash incentives sa board passers
CEBU, Philippines — Gihatagan og tag P5,000 nga cash incentive sa kagamhanan sa Siyudad sa Lapu-Lapu sa niaging adlaw ang board exam passers nga mga Oponganon kinsa si Mayor Junard “Ahong” Chan ang nangulo sa pagpang-apod-apod niini.
Ang mga Oponganon nga ni-top sa licensure exam ang nakadawat og dakong kantidad gikan sa kagamhanan sa siyudad.
Matud ni Chan nga nikabat ngadto sa P100,000 ang cash incentives nga nadawat sa mga Oponganon nga nag-top sa licensure examinations.
Samtang P50,000 ang nadawat niadtong Oponganon nga nahimutang sa top 2 hangtud sa top 7.
Samtang ang mga Oponganon nga nahimutang sa top 8 hangtud sa top 10 ang nakadawat og tag P30,000 matag usa kanila.
Nasayran nga ang paghatag sa kagamhanan sa siyudad og cash incentive sa mga board passer ang gibase sa gipatuman nga City Ordinance 14-095-2017 ug Resolution 14-2138-2017. BDB (BANATNEWS)
- Latest
