ESWM sa Talisay nagplano sa pagtukod og environmental enforcer
CEBU, Philippines — Giplano sa pangulo sa Ecological Solid Waste Management (ESWM) ang pag-umol og environment enforcer.
Kini aron mao ang motutok sa pagdakop o pag-monitor sa mga tawo nga magpataka og labay sa basura.
Si Lagrimas Abarquez, pangulo sa ESWM nagkanayon nga iyang pakigtagboan ang solid waste management board ug hisgotan ang maong tinguha.
Iya kining irekomendar sa konseho aron mas istrikto nila nga mapatuman ang ordinansa sa pagpataka og labay sa basura.
Sa niaging mga adlaw ang Dakbayan sa Talisay nakasinati og pagbaha sa nagkadaiyang dapit.
Sila si Gary Togonon, pangulo sa Aksyon Agad Team maoy nagresponde niini ug gipanglimpiyohan nila ang mga kanal.
Ug nakita nila ang nagtipun-og nga mga basura nga nakabara sa lusotanan sa tubig hinungdan sa pagbaha. BDB (BANATNEWS)
- Latest
