CEBU, Philippines — Daghan na sa mga kalihukan sa nagsingabot nga kapistahan sa lungsod sa Minglanilla ang nasugdan na.
Niadtong weekend, gihimo ang opening salvo pinaagi sa motorkada.
Gisundan dayon kini sa mga kalihukan sama sa lumba sa bisekleta diha sa Upper Tulay diin niabot gyud sa 200 ka mga bikers ang nisalmot sa gihimo nga karera.
Gipahigayon usab ang shootfest diin nagkalain-laing mahiligon sa pagpabuto sa armas ang nitunga sa firing range sa Barangay Tubod.
Aduna usab silay mga bisita nga nisalmot nga gikan pa sa Davao, Bohol, Dumaguete ug ubang lugar.
Samtang nagpadayon ang kalihukan matag gabii sama na lang sa indigay sa kaanyag ug ka ambongan nga mao ang Mr and Ms High School Minglanilla.
Ang kapistahan sa Minglanilla saulogon sa Agosto 22 matag tuig isip halad sa patron Immaculate Heart of Mary. (BANAT NEWS)