CEBU, Philippines — Iduso sa City of Talisay-Traffic Operation Development Authority (CT-TODA) ngadto sa mga quarry operator ang ilang rekomendasyon nga i ban sa quarry site ang mga badlungon nga drayber lakip na ang truck.
Kini human nadakpan ang mga drayber sa dagkong truck nga magkarera matag biyahe nila gikan sa quarry site.
Si Jonathan Tumulak, pangu sa CT-TODA nakadawat og daghang reklamo nga adunay mga drayber nga magpaturagas lang sa pagmaneho.
Tulo ka drayber ang ilang nadakpan ug naisyuhan og citation ticket.
Matud pa ni Tumulak nga peligro ang gibuhat sa mga drayber dili lang sa ilang kaugalingon kundi lakip sa mga tawo nga mag agi-an sa lugar.
Dugang niini nga ilang i endorsar ang mga drayber nga ilang madakpan ngadto sa quarry operator aron nga kini i ban o dili na makamaneho.
Ilang gilakip ang truck nga i ban aron ang tag-iya sa truck magmatngon sa ilang kuhaon nga drayber nga dili badlungon.
Gihulagway nga sa ordinansa sa siyudad sayon ra kini nga lutsan pinaagi sa pagbayad sa penalty apan kung pagbuot na sa quarry operator nga sila i ban diha na mag amping ang drayber sa pagmaneho ug sa tag-iya sa truck nga di na basta-basta nga mokuha og drayber nga sipat sa pagmaneho. — /MEL (BANAT NEWS)