CEBU, Philippines — Gipaubos sa Legal Capacity Building ang mga opisyal sa kabarangayan sa siyudad sa Mandaue sa tuyo nga mapalapdan pa ang ilang kahibalo sa mga kaakohan sa pagserbisyo.
Si Mandaue City mayor Jonas Cortes mitambong sa pagsugod sa kalihukan aron pagdasig sa mga opisyal sa 27 ka barangay sa dakbayan sanglit mahinungdanon man kini sa ilang pagpangalagad ngadto sa katawhan.
Lakip sa gituki ang mga angayan nga buhaton sa mga opisyal sa barangay sa pagduma sa ilang tulumanon sa ilang pagpangalad sa publiko.
Dugang gihimo mao ang Training–Seminar sa mga opisyales sa 27 ka mga barangay aron paghatag kanila og dugang kahibalo sa gipatuman nga mga balaud nga mahimong ipatuman sa paghatag og maayo ug sensirong pagserbisyo sa katawhan.
Gituki usab ang Re-Orientation Seminar on Public Accountability ug ang Workshops o Focus Group nga gi-andam alang sa matag barangay.
Ang Training-Seminar dako og ikatabang sa mga Barangay Officials sa ilang pagpanglagad sa katawhan.