CEBU, Philippines — Ang konseho sa Dakbayan sa Danao nipasar og ordinansa nga nag-establisar og sestema sa partnership tali sa lokal nga kagamhanan ug sa mga residente sa siyudad.
Ang maong ordinansa gitawag og "People's Empowerment Ordinance of the City of Danao" diin sa maong lokal nga balaod gitinguha nga mapalambo ang partnership tali sa city government ug sa mga residente niini pinaagi sa shared governance ug development o kalamboan.
"Overall, this initiative signifies a remarkable stride in Danao City's commitment to inclusive governance. By empowering Danawanons and fostering partnerships with NGOs and POs, the city, under the Durano leadership, aims to create a more transparent, participatory, and responsive local government", matud sa information office sa siyudad.
Ang maong lokal nga balaod nag-empower sa mga Danao City-based NGOs (Non-government organization) ug People's Organizations (PO) aron aktibo ang pag-apil sa paggama, pagpatuman ug evaluate o pagsusi sa government activities ug functions.
Ubos sa maong balaod, adunay accreditation sa mga NGOs ug PO uban sa mga rekisitos nga gikinahanglan niini; adunay joint ventures ug cooperation uban sa city government alang sa mga mahinongdanong serbisyo ug proyekto; pag-establisar og People's Council; sectoral observers sa Sangguniang Panlungsod ug pagpundo alang sa komunidad nga nag-organize og suporta sa people's right to self-organization.
Ang maong balaod gipangamahan nila ni Konsehal Carmen Durano, Edmund Lao ug Adano Roble. — /BDB (BANAT NEWS)