Salisi Gang dunay financier dinhi sa Sugbo
CEBU, Philippines — Gisusi sa kapulisan sa rehiyon kun kinsa ang local financiers sa mga miyembro sa Salisi Gang gikan sa Luzon nga nadakpan sa mga sakop sa Mambaling Police Station 11 sa Cebu City.
Matod ni Police Lt. Col. Gerard Ace Pelare, tigpamaba ni PRO-7 Regional Director Brigadier General Anthony Aberin, gitug-an sa mga dinakpan atol sa ilang custodial debriefing nga duna pa sila’y mga kauban nga naa pa dinhi.
Duna nay gilusad nga manhunt operation ang kapulisan aron madakpan ang uban nilang mga kauban nga gihulagway nga organized criminal groups kansang mga miyembro dili lang taga Luzon apan duna say taga Mindanao.
“This is highly organized group, planned operation ni sila, mangadto sila’g mall, mo-operate, pagkahuman mobalik sa ilang apartment or safe house then they operate again, they have been staying here for one month so atong gi-inventory kung kinsa pa tong nabiktima ani nga grupo,” sigon ni Pelare.
Nasayran usa sa mga nadakpan sa Silisi Gang duna nay warrant of arrest sa Pasay City apan padayon gihapon nga naghimo og illegal nga kalihukan.
Si Pelare miingon gipangusgan nila karon ang intelligence monitoring pinaagi sa pakig-alayon sa ubang unit.
“Kung kahinumdom mo katong sa Sinulog nga time naa say ningari diri nga mga groups of theives ningari sila but because of very efficient intelligence exchange wala pa sila kaabot diri identified na sila then once gani naa nay madakpan ma file an na og kaso. Usa sa challenges ani kung mopadayon ba ang biktima sa pag-file og kaso because often times dili na ganahan mahasol they will withdraw or they will not continue filing cases,” ni Pelare pa.
Miapelar ang opisyal sa publiko nga kun pananglitan mabiktima sa ingon ani tabangan nila ang kapulisan sa pag-neutralize sa maong mga tawo pinaagi sa pagpasaka og kaso.
Nagpahimangno sab ang kapulisan sa katawhan nga magbinantayon kanunay sa modus sa maong mga dinakpan nga dunay molingaw-lingaw nga tawo pinaagi sa pakig-istorya unya ang lain nilang kauban maoy mokuha sa butang.
“Ayaw kaayo mo kompiyansa sa mga tawo makig-estorya ninyo nga bisag unsa lay topic in a public places kay probably members ni sa Salisi Gang,” matud ni Pelare. IBM (BANATNEWS)
- Latest
