CEBU, Philippines — Mokabat sa P102,000.00 ang gibanabanang danyos sa niulbo nga sunog sa pandayan nga nahimutang sa Zone 1, Barangay Buaya, Siyudad sa Lapu-Lapu nga gialarma sa kabomberohan alas 5:25 kagahapon sa buntag Huwebes Agosto, 3, 2023.
Si Lapu-Lapu City Fire Marshall Fire Superintendent Tito Purgatorio miingon nga dali sila nga naka responde sa alarma nga giisa sa first alarm ug paglabay sa 45 minutos hingpit na kini nga napawong.
Matud pa ni Purgatorio nga ang nasunog gipanag-iya sa negosyante nga si Esmeraldo Dehayco nga dunay mga produkto nga furniture.
Duha ka panimay nga kasikbit sa edipisyo ang naapil sa pagka sunog.
Nitabang sa pagpawong sa kayo mao ang kabomberohan sa Lapu-Lapu City Fire District Office, kauban usab sa Lapu-Lapu City responding unit, Lapu-Lapu City Rescue ug Barangay Maribago Fire Brigade. (BANAT NEWS)