54 ka parisan gikasal sa mass wedding sa siyudad sa Mandaue
CEBU, Philippines — Mokabat sa 54 ka parisan ang gikasal sa mass wedding nga gipahigayon diha sa Mandaue City Sports and Cultural Complex niadtong Huwebes, Hulyo 27, 2023.
Ang maong kalihukan maoy kabahin sa selebrasyon sa ika-54th charter anniversary sa siyudad sa Mandaue.
Si Mandaue City mayor Jonas Cortes kinsa maoy mi-officiate sa maong mass wedding miingon nga tinguha niya nga kini nga kalihukan himoong parte sa selebrasyon sa charter day. Ang dakbayan sa Mandaue mao ang mihatag sa venue sa kasal, reception, mga singsing, gowns ug barong nga gisul-ob sa gipangkasal.
Gihatagan usab ang matag parisan og 10 ka kilo nga bugas, cake, mga bino ingon man souvenir pagkahuman sa seremonyas.
Gikalipay og maayo sa mga gikasal ang maong kahigayonan nga gihatag sa siyudad sa Mandaue.
Sa iyang mensahe si Mayor Cortes mihangyo sa mga bag-ong nakasal nga kanunay nga mohatag og pasensya ug pagsabot sa matag usa. “Marriage is a partnership. Equal walay labaw. To make the relationship last, pagsinabtanay ra gyud sa magtiayon,” suma pa ni mayor Cortes. — /MEL (BANAT NEWS)
- Latest
