CEBU, Philippines — Gikatakdang motambong si Cebu gobernador Gwendolyn Garcia sa ikaduhang State of the Nation Address ni Presidente Ferdinand Marcos Jr. karong Lunes sa Hulyo 24, 2023.
Si Garcia nga nisuporta sa kandidatora ni Marcos sa niaging eleksyon nagkanayon nga iyang gipaabot nga itaho ni Marcos ang nalampos sa iyang administrasyon sukad nga kini nilingkod pagka presidente.
Si Garcia nihatag og maayo nga grado sa performance ni Marcos isip pangulo sa nasud dungan sa pagtataw nga usahay dili makiangayon nga mohatag og assesment ilabina kun wala siya masayod sa tanang problema nga giagian ni Marcos isip Presidente.
"sometimes it`s unfair to give an assessment if you are not fully aware of the myriad problems and issues that he had to deal with when he stepped into the presidency" matod ni Garcia.
Gidayeg sab sa gobernador ang pagkakalmado ni Marcos sa pag-atubang sa mga issues ug hagit sa iyang administrasyon
Nasayod sab ang gobernador nga daghan ang mga nisaway sa kanunay nga pagbyahe sa Presidente sa gawas sa nasud dugang sa pag depensa nga tungod sa paglarga ni Marcos mas naila ang presensya sa Pilipinas sa natad sa commerce ug patigayon.
"But because he has done this and he has made our presence known internationally for me that was a sacrifice but now there is really so much interest in the Philippines because these trips abroad inviting all the business community to come, arriving at international agreements for trade industry, business and commerce," matud ni Garcia.
Malaumon si Garcia nga sa mosunod nga mga bulan makita na ang resulta sa mga byahe sa presidente nga makabenepisyo ang mga Pilipino.
Unang nagkanayon si Marcos nga simple ra ang iyang ikaduhang SONA nga mohisgot sa performance ug mga nahimo sa iyang administrasyon. Le Phyllis F. Antojado/MEL
Rama: Mga kawani sa siyudad nga malambigit
sa illegal silotan gyud
Gipadayag ni Cebu City mayor Michael Rama nga zero tolerance ang iyang himoon sa mga kawani sa siyudad nga nalambigit sa illegal nga binuhatan.
Kini human nikatap ang video sa mga trabahante sa Market Office nga nakit-an nga nanuyop samtang naka uniporme.
Apan gipahibawo na sa pangu sa Market Office nga dugay ra nga gitaktak sa trabaho ang maong mga kawani human nag positibo sa ilang gipahigayon nga surprise drug test.
Gipahimug-atan sa mayor nga walay luna sa iyang administrasyon ang mga illegal nga kalihokan sa mga kawani bisan pa og mga kaalyado o supporter sa iyang administrasyon pahamtangan gyud kini og silot.
Gitug-an ni Rama adunay mga programa ang local nga kagamhanan sa pagtutok sa problema sa illegal nga drugas apil na ang rehabilitation. (BANAT NEWS)