CEBU, Philippines — Gidala sa tambalanan ang usa ka 25 anyos nga lalaki human gi pusil sa usa ka e- bike driver Domingo sa kadlawon Hulyo 16, 2023 diha sa Lakandula St. Barangay San Nicholas Proper, Dakbayan sa Sugbo.
Ang biktima giila nga si Francis Jake Bunal Pandayao, walay trabaho, nga taga Brgy. Calamba, dakbayan sa Sugbo samtang ang suspek mao si Jake Mercado nga taga Brgy. Sawang Calero, dakbayan sa Sugbo.
Dali nga ni responde ang San Nicolas Police Station 6 sa nahitabong pagpamusil ug base sa inisyal nga imbistigasyon nasuta nga ang biktima nag lakaw lang kini sa dalan ug gisundan kini sa suspect og gipusil duha ka higayon ug naigo sa walang abaga ang biktima.
Ang armas nga gigamit sa suspek mao ang .45 caliber pistol.
Sa pagkakarun wala pay nasayran nga hinungdan o motibo sa maong pagpamusil.
Padayon pa usab nga gipangita sa kapolisan ang misibat nga suspek. — UV Intern/MEL (BANAT NEWS)