CEBU, Philippines — Bag-ong gitudlong direktor sa Land Transportation Office Central Visayas Glen Galario, nagtinguha nga ipadayon gihapon ang paghatag og libre nga Theoretical Driving Course sa tibuok rehiyon.
Tumong ni Galerio nga mas modaghan pa ang mahatagan og free certificates ilabi na ngadto sa mas nagkinahanglan niini nga angayang hatagan og lisensiya sa pagpamaneho.
Matud pa niya pwede nga ang mga buhatan sa Local Government Unit sa rehiyon 7 mopadala og request sa ilang opisina alang sa schedule sa TDC lecture nga ipahigayon sa ilang tagsa-tagsa ka mga dapit.
Sa pagkakaron ang LTO-7, nakadawat og request gikan sa LGU-Cordova ug Philhealth Cebu alang sa ilang tinguha sa pagpahigayon ug free TDC sa ilaha.
Si Galerio, nitug-an andam motabang ang ilang buhatan tungod kay prayoridad nila ang kaluwasan sa kadalanan aron masigurong ang mga magbaton og lisensiya sa pagmaneho miagi og saktong pagbansay-bansay.