Pasil Children’s Playground subhan karong hapon
CEBU, Philippines — Subhan na karong hapon ang gi-redevelop nga Pasil Children’s Park nga nahimutang diha sa atubangan sa San Nicolas Parish Church sa Dakbayan sa Sugbo. Sayo pa, ang project proponent ug presidente sa AS Enriquez Engineering Consultancy Engineer Apollo Enriquez nibutyag nga niabot sa lima ngadto sa unom ka buwan ang pag-redevelop nila sa playground.
“Naa pa tay giplano nga continuing improvements like gusto pa na nato butangan diha og mga fence unya maybe dako man kaayo ang space because it’s like 4,000-square-meter”, matud ni Enriquez sa pamahayag niini diha sa Cebu City PIO.
Ang nahisgutang park sa Pasil nabuksan niadtong Pebrero 24, 2016 atol sa 79th Charter Day sa siyudad.
Apan pipila ka buwan ang nilabay sukad kini gibuksan wala na kaayo maatiman og tarong dihang napildi si Mayor Michael Rama niadtong tuig 2016 nga piniliay hangtud nga gihimo kini nga temporaryong fish market.
Ug dihang nidaog si Rama sa niaging tuig gi-restore niini ang maong playground. BDB (BANATNEWS)
- Latest
