Pasaheroang barko nasunog

CEBU, Philippines — Luwas ang dili mominos sa gatus ka mga crew ug pasahero human nasunog ang Roro vessel MV Esperanza Star niadtong sa Domingo sa kaadlawon adlaw nga Domingo sa may Duljo Point sa lungsod sa Panglao sa Bohol.

Ang maong barko gikan kini sa Lazi, Siquijor padulong sa Tagbilaran City sa Bohol.

Kini ang gibutyag ni CG Lieutenant Junior Grade John Wenceslao sa Coast Guard Station Western Bohol nga nahinabi sa Banat News.

Matud pa ni Wenceslao, dili pa nila mahatag pila ang kinatibuk-an nga ihap sa pasahero tungod kay padayon pa ang ilang pag account niini.

Mapasalamaton ra hinoon sila nga walay nakalas o naangol sa maong insidente.

Sumala pa niya dali silang nakaresponde kuyog sab ang mga assets sa LGUs sa duol ug mga shipping companies sa lugar.

Dugang pa ni Wenceslao, ang mga naluwas mao ang 60 ka crew apil ang kapitan ug gibanabanang 65 ka mga pasahero apan padayon pa hinoon karon ang ihap.

Padayon ang imbestigasyon may kalabutan sa hinungdan nga insidente lakip ang pagpaabot sa Marine protest nga iduso sa kapitan sa maong barko. Alas-10 sa buntag na nakontrolar angsunog ug wala ra hinoon angay kabalak-an may kalabutan sa oil spill sanglit wala man kini malunod.

Ang kadagkuan sa KHO Shipping Lines nga nanag-iya sa maong barko mipasalamat sa PCG, TransAsia 19 ug mananagat sa Bohol sa pagluwas sa mga crew ug pasahero.

Ang MV Esperanza Star nagbiyahian sa Cebu City-Tagbilaran City-Lazi, Siquijor-Iligan City. “Functional fire suppression system long installed at the vessel such as CO2, fire hydrants, sprinkling system and others immediately activated to put off fire and avert further damages to the vessel,” tipik sa gipagawas nga mensahe sa kadagkuan sa KSLi.

Ang KSLi mohulip sa nasunog nga MV Esperanza Star sa MV Cataingan aron dili mabalda ug magpadayon ang serbisyo sa mga pasahero ug cargoes nga mobiyahe sa maong dapit labi na sa katawhan sa Iligan City ug Lazi Siquijor nga nanginahanglan sa maong serbisyo. —/IBM (BANAT NEWS)