15 ka aksidente sa karsada natala matag adlaw sa Minglanilla

CEBU, Philippines —  Makatala og 15 ngadto sa 20 ka disgrasya sa kadalanan ang lungsod sa Minglanilla matag adlaw.

Gibutyag ni Glenn Antigua, pangu sa Minglanilla Traffic Commission (MITCOM) nga base sa ilang talaan kasagaran sa disgrasya maglambigit og motorsiklo nga magdumbol.

Ang maong mga panghitabo sa disgrasya makuha pa sa CCTV footage gikan sa command center.

Gipanghinaot ni Antigua nga kung magamit na ang high-tech nga traffic light sa lungsod unta mamenosan na ang mga disgrasya. Una niini, si mayor Rajiv Enad sa Minglanilla nitataw nga kini nga proyekto mao ang ilang gitagaan og pagtagad sa iyang administrasyon.

Gipanglantawan nga magamit na gyud kini sa katapusang semana karong buwan sa Hunyo.