CEBU, Philippines — Usa na ka opisyal nga festival sa lungsod sa Santa Fe sa isla sa Bantayan ang “Panuhug Festival”.
Usa ka ordinansa ang gipasar sa Sangguniang Bayan (SB) sa lungsod kalabot niini ug pirmado na sab ni Mayor Ithamar Espinosa.
Ang Santa Fe unang nagsaulog sa “Puting Baybay Festival” nga nagtumbok sa giila nga white sand beach o puti nga balas sa mga baybayon sa lungsod.
Ang “panuhug” usa ka craft alang sa paghimo og mga dekorasyon gamit ang seashells.
"shell craft industry making had been one of the main sources of livelihood of Santafehanons in the past and such industry is still striving up to now" pagbasa sa resolution sa SB.
Nakita sa mga konsehal sa lungsod nga angayan nga usbon ang ilang festival gikan sa “Puting Baybay” ngadto sa “Panuhug” hinungdan nga nipalabang kini og ordinansa.
Subay niini ang LGU pinaagi sa buhatan sa Mayor mopahigayon og information dissemination kalabot sa bag-ong gipasar nga lokal nga balaod sa lungsod.
Nalatid usab sa ordinansa nga gidid-an ang si bisan kinsa nga two og grupo nga mohimo o moestablisar og laing festival gawas sa “Panuhug Festival” sa lungsod sa Santa Fe. (BANAT NEWS)