Bagyong Chedeng di moigo sa kayutaan

CEBU, Philippines — Hinayhinay nga nagkakusog ang ikatulong bagyo nga misulod sa Pilipinas, ang bagyong Chedeng samtang nag-irog kini sa Philippine Sea layo sa kayutaan sumala pa sa PAGASA.

Ang Chedeng uwahing nasigpatan 1,150 kilometro sidlakang bahin sa habagatan-sidlakang bahin sa Luzon, nagdala kini og kinakusgang hangin nga 55 km kada oras duol sa tunga ug haguros nga 70 kph.

Sa PAGASA’s 5 p.m. advisory kagahapon adlaw nga Martes, layo ra ang posibilidad nga magdala og kusog nga uwan si Chedeng sa bisan asang lugar sa nasud sa mosunod nga tulo ngadto sa lima ka adlaw.

Base sa pagbanabana sa PAGASA , si Chedeng  inanay nga modagan og kusog padung sa amihanang-kasadpan sa mosunod nga 24-oras ayha kini moliko padung sa kasadpang- amihanang-kasadpan sa nasud ugmang adlawa (Huwebes).

Tungod sa gilay-on niini sa kayutaan walay giisyu nga wind signals ang PAGASA ug wala say gipaabot nga kanaas sa kadagatan sa mosunod nga 24-oras.

Bisan og mapasamot niini ang hanging habagat, ang maapektahan niini ug gikusgon sa pagbunok sa normal nga ulan ug hangin posibleng magusab-usab sumala pa sa PAG-ASA. –Gikan sa Philstar.com/IBM