Skate Park sa siyudad sa Danao gibuksan na

CEBU, Philippines — Hingpit na nga gibuksan ang state-of-the art Danao City Skate Park didto sa dakbayan sa Danao niadtong Hunyo 3, 2023. Ang skatepark nga migasto og P11.4 million gidensyo aron mohaom sa international standards diin aduna kini ramps, rails, ledges, ug bowls.

Ang pagbukas sa maong pasilidad gitambongan sa mga opisyal sa Danao ug mga skateboarding enthusiasts gikan sa nagkadaiyang dapit sa rehiyon.Ang Cebu Skateboarding Champions nga sila Motic Panugalinog ug Renz Gelig nitambong usab sa maong kalihokan ug mipakita sa ilang skate demo.

Si Danao City mayor Thomas “Mix” Durano mapasigarbohon nga mipahibawo sa maong kalambuan ug miingon nga bukas alang sa tanan ang maong pasilidad dili lang sa mga taga Danao.

“I am delighted to share that the Danao City Skatepark is free and open to everyone, embracing all walks of life, not just limited to our fellow Danawanons. This skate park represents a place of unity and inclusivity, where individuals can come together, build lasting friendships and showcase incredible skills.” Tipik sa pamahayag ni mayor Durano.  — MEL (BANAT NEWS)