71 ka scholars sa Toledo nakadawat sa ilang tuition fee ug allowance
CEBU, Philippines — Niabot sa 71 ka scholar sa Siyudad sa Toledo ang gihatagan na sa ilang tuition fee ug allowance sa kagamhanan sa siyudad.
Ang maong mga scholar matag usa kanila nakadawat og P20,000 alang sa tuition fee ug P10,000 nga educational allowance alang sa tibuok semester.
“I hope your parents are also happy nga natagaan mo og ayuda gikan sa gobiyerno”, matud ni Mayor Marjorie Perales atol sa pagapod-apod sa semestral tution fees ug educational allowance ngadto sa mga tinun-an.
Matud sa Toledo City Information Office nga ang maong programa pamaagi sa LGU sa siyudad aron madasig ang mga tinun-an nga mopadayon pag-eskwela.
Si Perales niawhag usab sa mga tinun-an nga magpadayon sa pagtarong sa pag-eskwela ug nisaad nga ang LGU kanunay nga mopaluyo sa pagtungha sa mga kabataan sa siyudad. —/BDB (BANAT NEWS)
- Latest
