Tumulak: Motorcycle lane dugay na nga gipatuman sa Talisay
CEBU, Philippines — Giangkon sa pangulo sa City of Talisay-Traffic Operation Development and Authority (CT-TODA) nga hagbay ra nila nga gipatuman ang motorcycle lane. Si Jonathan Tumulak nagkanayon nga niadtong milabay’ng buwan istrikto nila kini nga gipatuman.
Gani pipila na ka motorista ang ilang naisyuhan og citation ticket alang sa mao nga kalapasan.
Apan giklaro ni Tumulak nga uban nga motorista mga enforcer lang usab ang ilang bantayan imbes tumong niini ang ilahang kaluwasan.
Matud ni Tumulak nga halos tanang motorista magdali hinungdan nga adunay mahitabo nga disgrasya.
Ang pagbalhin sa usa ka lane ngadto sa pikas ang ilaha usab nga gihingusgan diin kasagaran kining gibuhat sa mga motorista aron madali sila sa pagbiyahe.
Dugang ni Tumulak na ang pagbalhin-balhin og lande nagbutang sa peligro sa naghimo ug ngadto sa laing sakyanan hinungdan nga daghan sila nga naisyuhan og citation ticket niini nga ang multa moabot ngadto sa P1,000. (BANAT NEWS)
- Latest
