Byahe sa barko gikan liloan paingon camotes ilusad na
CEBU, Philippines — Gitakda karong Mayo 26, adlaw nga Biyernes ang hingpit na nga paglusad sa unang byahe sa barko sa Oceanjet ug Super Shuttle Roro gikan sa Pier 88 sa lungsod sa Liloan padulong sa lungsod sa Poro sa isla sa Camotes.
Ang mga shipper operators, nagdumala sa Pier 88 ug ang Maritime Industry Authority (MARINA) lakip na sa Vallacar Transmit ang operator sa Ceres bus nisaad ngadto kang Gobernador Gwendolyn Garcia nga madayon na ang paglusad human nga una kining nadelay o nauswag ang launching.
Ang duha ka shipping companies mo operate kini pinaagi sa Liloan-Camotes ug vice versa nga rota matag adlaw.
Sumala sa Capitol Information Office, ang fast craft sa Ocean jet mobiya sa pantalan sa Liloan alas 8:30 sa buntag ug ang return trip niini gikan sa Poro mobiya pud ala una sa hapon sa susamang adlaw.
Ang fast craft sa Oceanjet makakarga kini og 350 ka pasahero kon diin maka byahe kini ubos sa 22 knots ug molanat sa usa ka oras ug 30 minutos ang byahe. Ang MARINA nisaad sab nga mohatag sa mga gikinahanglan nga permit sa maong rota.
Ang LTFRB sa bahin niini, niluwat na og franchise sa mga bus sa Ceres nga isakay sa Super Shuttle Roro sa byahe niini padulong sa Camotes island. (BANAT NEWS)
- Latest
