Awto nalimbuwad, tulo nangaangol

CEBU, Philippines — Naangol ang tulo ka tawo human ang sakyanan nga ilang giluwanan kalit lang nalimbuwad ug nahayang diha  sa Mantawe Avenue nga nahimutang duol sa Cebu  International  Convention Center (CICC) sa Barangay  Guizo, Siyudad  sa Mandaue alas 6 pasado ang takna sa Lunes sa buntag.

Si  Police Master Sergeant Jonathan Hinlayagan sa Traffic  Enforcement Unit (TEU) sa Mandaue City  Police Office (MCPO) miila sa mga naangol nga mao sila si Eduardo Garcia, 34, Stephen Curaton, 21  ug  Rey Dakoboth nga  pulos molupyo sa Siyudad sa Lau-Lapu.

Matud pa ni Hinlayagan nga gimaneho ni Garcia ang Honda City nga puti padulong na sa Siyudad sa Lapu-Lapu.

Apan paghidangat sa maong lugar kalit lang kining nabangga sa center island hinungdan nga nabalitok ang sakyanan. Nagtuo si Hinlayagan nga nakatagpilaw ang driver samtang nagmaneho. Dali nga gidala sa tambalanan ang mga biktima. (BANAT NEWS)