Lahugay sa City Hall, kanhi Interior Sec Ruiz kuhaon ni Rama
CEBU, Philippines — Kanhi undersecretary sa Department of Interior and Local Government nga si Lito Ruiz gikuha ni Cebu City Mayor Michael Rama alang sa usa ka espesyal nga ginbuhaton sa siyudad, si Ruiz napuno sa mga sakop sa siyudad atol sa gipatumang lahugay sa pipila ka mga buhatan sa Cebu City Hall.
Ang kanhi pangulo sa Human Resource Development Office (HRDO) nga si Renie Vestil Mondigo mao nay bag-ong gitudlo isip bag-ong “secretary to the mayor.”
’ll take this opportunity to announce that the new Secretary to the Mayor is the one welcoming me. And her name is my sister, sister Remie Vestil (Mondigo),”nagkanayon si Rama.
Sa miaging semana, si Mondigo niundang isip Human Resource Department head kay gusto niiino nga mas motutok sa counseling unit sa departamento.
Si Mondigo gipulihan ni Henry Tomalabcad, kanhi Assistant Civil Registrar sa siyudad.
Nagkinahanglan og bag-ong secretary si Rama human gi-promote si Atty. Collin Rosell isip City Administrator.
Si Rosell maoy nihulip kang Suzzane Ardosa nga karon mao nay modumala sa Department of Manpower Development and Placement (DMDP) nga una nang giingon ni Ardosa nga iyang “item” sa dakbayan.
Dungan niini, gipahibawo usab ni Rama nga si Ruiz adunay tahas nga pagabuhaton sa dakbayan apan dili pa kini ikabutyag hangtud dili pa maandam ang appointment niini. Si Ruiz mitambong sa flag raising ceremony sa city hall grounds kagahapon.
Apan matud pa nga may kalabotan sa “enforcement, and execution” sa mga polisiya ug proyekto sa lokal nga kagamhanan ang matang sa trabaho nga pagabuhaton sa kanhi undersecretary sa DILG. — Caecent No-ot Magsumbol (BANAT NEWS)
- Latest
