Menor, babaye na-buybust
CEBU, Philippines — Nasikop ang usa ka 17- anyos nga lalaki og kauban niini nga babaye sa gipahigayon nga buybust operation sa Station Drug Enforcement Unit sa Guadalupe Police Station 9 pinangulohan ni Police Major Keneth Paul Albotra Domingo sa kaadlawon Mayo 7,2023 sa Englis V. Rama, Brgy. Guadalupe sa Siyudad sa Sugbo.
Ang mga dinakpan nga 17- anyos (pangalan gipugngan) ug kauban nga si Wendelyn Mejia, 23, parehong residente sa Barangay Ermita. Ang menor de edad nakuhaan og upat ka putos nga dunay tag 25 gramos nga gituohang shabu ug lima ka gagmay nga putos nga mobalor tanan og P680 mil.
Matud ni Albotra nga duha ka semana nilang gi-surveillance ang kalihokan sa mga dinakpan kay migawas ilang mga ngalan sa ilang mga unang nadakpan.
Dugang pa ni Albotra nga gikan sa maguwang sa 17- anyos ang source niini sa illegal nga drugas nga anaa nabilango sa Cebu City Jail.
Matud pa ni Mejia nga igo lang sila mandoan pinaagi sa messenger sa social media ug sugoon kun asa kuhaon ang ilegal nga drugas. Matud pa mandoan sila sa mga giila nilang sila si Warren ug Jamiral kung asa i-deliver ug suholan lang kini sila’g P300.
Dugang pa Mejia nga nagsugod siya sa maong bisyo niadtong tuig 2019 apan tuig 2020 na siya nagsugod og hatud sa illegal nga drugas.
Ang mga dinakpan pasakaan og kasong kalapasan sa RA 9165 Comprehensive Dangerous Drug Act of 2002.— /IBM (BANAT NEWS)
- Latest
