Pagpamakuna sa kabataan gihingusgan sa Talisay
CEBU, Philippines — Gihingusgan karon ang pagpamakuna sa kabataan batok sa measles, polio ug rubilla sa Dakbayan sa Talisay.
Kini human daghan pa sa kabataan ang wala makadawat sa bakuna.
Si Dr. Ven Pepa, pangu sa RHU 2 sa Talisay City Health Office nagkanayon nga gihatagan nila og tulo ka adlaw ang matag barangay sa pagbakuna.
Sa higayon nga matapos ang tulo ka adlaw isunod usab ang house to house nga pagpamakuna sa mga sakop sa Barangay Health Workers.
Si Meljin Colango, 20 anyos niingon nga nahadlok siya sa milabay nga tuig nga ipagawas ang iyang anak sa ilaha sa kabalaka nga mataptan sa COVID-19.
Apan karon nga nikalma na ang kaso sa coronavirus disease iya nang gipabakunahan ang iyang anak.
Suma pa ni Pepa nga target nila nga mabakunahan ang 95 porsyento sud sa 25 mil ka mga bata nga nag edad og usa ka buwan ngadto sa singko anyos. — MEL (BANATNEWS)
- Latest
