Diarrhea outbreak sa lungsod sa San Francisco nilurang na
CEBU, Philippines — Wala nay nadugang nga kaso sa diarrhea sa lungsod sa San Francisco sa Isla sa Camotes sukad sa unang outbreak niini niadtong miaging buwan.
Matud ni Dr. Johnlehi Surio usa sa mga doktor ug nagsilbing incident commander nga mi-arang arang na ang sitwasyon sa lugar ug wala nay nadugang nga kaso sa diarrhea.
Nasayran nga unang nahitabo ang diarrhea outbreak niadtong Marso 25, 2023 tungod sa matud pa kontaminado nga tubig.
Dugang pa ni Surio nga kun moabot na og upat ka semana nga wala nay nadugang sa mga kaso mamahimong malibkas na ang outbreak.
"Technically dapat 4 weeks na walay new cases before you can declare that outbreak is over" matud ni Surio.
Ang ulahing pasyente sa diarrhea nakarekober niadtong Abril 10.
Duha ka bata ang namatay gikan sa mga 50 ka residente nga apektado ug naadmit sa tambalanan human nakasinati og suka kalibang. Kasagaran naggikan sa Barangay Sonog sa lungsod sa San Francisco. (BANAT NEWS)
- Latest
