Gipasanginlang pusher nisukol napatay
![Gipasanginlang pusher nisukol napatay](https://media.philstar.com/photos/2023/04/23/2_2023-04-23_01-15-25.jpg)
CEBU, Philippines — Patay ang gipasanginlang pusher og ilegal nga drugas human gikatahong kini nakigpinusilay sa mga operatiba sa City Intelligence Unit (CIU) sa Lapu-Lapu City Police Office (LCPO) atol sa buybust operation diha sa Sitio Pulang Bukid, Barangay Alang-Alang sa Siyudad sa Mandaue sa miaging tungang gabii.
Si Police Lieutenant Colonel Joey Bicoy, hepe sa CIU saa LCPO miila sa namatay nga mao si Ricky Lopez Manuel, 40, taga Sitio Tacan sa Barangay Ibo sa Siyudad sa Lapu-Lapu.
Matud pa ni Bicoy nga ilang gipaubos sa surveillance ang suspetsado nga ilang nahibaw-an nga nalambigit sa pagpayuhot og ilegal nga drugas ug gikatahapan usab nga gun for hire.
Sumala pa nga nagkasabut sila sa suspek nga sa Sitio Pulang Bukid sa Barangay Alang-Alang sila magtagbo. Apan pagabot didto gikatahong nakamatikod kini sa mga polis hinungdan nga midagan kini og nagpasalipod sa koral apan kalit kining namusil.
Gibawsan kini sa mga polis ug naigo hinungdan sa grabeng pagkaangol niini ug dali nga gidala sa Mandaue City Hospital apan gidekllarar kini sa mga doktor nga dead on arrival.
Nakuha sa kapolisan gikan sa maong suspetsado ang armas nga kalibre 45 nga maoy gigamit niini.
Sa pikas bahin, usa ka drug den ang gironda sa mga sakop sa Philippine Drug Enforcement Agency(PDEA)-7 sa Sitio Greenbelt, Barangay Quiot, Siyudad sa Sugbo niadtong Biyernes sa sa gabii.
Tulo ka tawo ang nadakpan apil ang tigmentinar sa drug den nga giilang si
Rudtom Premacio, 43, habal-habal driver, asawa niini nga si Catherine Premacio, 40, ug ang gituohang parokyano nila nga construction worker nga si Rueb Verano, 25. Atol sa operasyon nakompiskar sa mga tinugyanan sa PDEA-7 ang walo ka paketeng gituohang shabu nga motimbang g 10 gramos, buy-bust money ug mga drug paraphernalia. — Decemay Padilla / IBM ( Banat News )
- Latest