Drayber hayan ma-ban sa terminal
CEBU, Philippines — Gitun-an sa tagdumala sa Cebu North ug South Bus Terminal nga i-ban ang mga drayber nga nagmugna og kagubot sud sa terminal.
Si Carmen Quijano sa interbyu kaniya sa Balitang Bisdak miingon nga naabot na sa iyang kasayuran ang maong insidente ug wala siya mahimuot niini.
“It’s disheartening in my part kay di ko gusto unsa unyay ikasulti sa Gobernador (Gov. Gwendolyn Garcia),” matud pang Quijano.
Si Quijano miingon nga nakadungog lang siya bahin sa hitabo base sa mga gipangsulti sa mga nakakita, apan gusto niya kining mahibaw-an ang tinud-anay nga nahitabo.
“Gipatawag sad nako ang driver, pero ni leave kuno,” dugang pang Quijano kinsa gustong makadungog sa ilang habig.
Si Quijano gikatakdang makigkita sa Provincial Attorney’s Office aron mangonsulta kun unsay posibleng aksyon nga himuon batok sa mga nalambigit sa maong kagubot.
“I’ll asked the lawyer sa kapitolyo kung pwede ba ako ba e ban?” matud pang Quijano. Matud pa niya dili maayo kun palabyon lang kini bisan dili kini makaapektar sa iyang reputasyon. Apan nabalaka siya sa epekto niini sa turismo sa Sugbu.
“My heart bleeds for this kay makauuwaw kaayo ni,” matud pang Quijano samtang nangayo sab siya og pasaylo kang Governor Gwendolyn Garcia tungod sa maong insidente.
“Drivers and conductors, please kung duna moy kasuko tagsa-tagsa come to my office for confrontation and to settle it out para dili madako,” awhag pang Quijano.— Gikan sa The Freeman, IBM (BANATNEWS)
- Latest
