CEBU, Philippines — Gitinguha karon sa kagamhanan sa Lungsod sa Cordova ang kaugmaran sa duha ka diversion roads nga maoy agian pagpaingon sa Siyudad sa Lapu-Lapu.
Naglakip sa diversion road mao ang tadlas paingon sa Barangay Ibabao ug ang ikaduha mao ang tadlas ngadto sa Barangay Gabi sa maong lungsod.
Si Cordova Vice Mayor Victor Tago nagkanayon nga ang duha ka diversion roads nga ugmaron sa kagamhana sa lungsod makahatag og kasulbaran sa trapiko tungod kay mabahin na sa duha ka dalan ang mangagi nga mga sakyanan gikan sa maong lungsod paingon sa Siyudad sa Lapu-Lapu.
Gibutyag ni Tago nga giplano na usab karon ang paghimo og dalan gikan sa Barangay Buagsong paingon aa Baragay Catarman, Barangay Day-as paingon sa Barangay Bangbang.
Matud ni Tago nga sa kasamtangan ilang gihimo ang pagpangita og gahin nga pundo alang sa gitinguha nga proyekto. – BDB (BANATNEWS)