Mga trisikol nga nigamit og pekeng fare matrix pamultahon
CEBU, Philippines — Gipahimangnoan sa buhatan sa Cordova Traffic Management (CTM) ang mga tricycle driver nga sila makabayad og multa nga P500 kun masakpan sa ilang paggamit og fake nga fare matrix.
Kini human nga sa gipahigayong operasyon sa CTM nadakpan ang 22 ka mga tricycle sa Barangay Poblacion nga nigamit og mga pekeng fare matrix.
Si Erwin Restauro, pangulo sa CTM miingon nga nihimo sila og checkpoints pagsuta sa mga fare matrix sa mga nagbiyahing trisikol sa lungsod tungod sa mga reklamo sa mga pasahero.
Matud pa nagduda ang mga pasahero kay ang gi-display nga dokumento diha sa trisikol Xerox copy nga unta orihinal man gyud unta ang gimando nga ipabutang.
Si Restauro miingon nga libre lamang ang pagkuha og fare matrix sa ilang buhatan kn kompleto sa mga gikinahanglan nga rekisitos.
Naglakip sa mga isumitir nga dokumento mao ang Mayor’s Permit to Operate, lisensiya sa pagmaneho, Official Receipt ug Certificate of Registration.
Dugang pa ni Restauro nga ubos sa fare matrix nga gipatuman ang mga tricycle gitugotan sa pagkolekta og P20 kun usa lamang ang sakay nga pasahero ug kun duha, P15 lamang plite saa matag pasahero.
Iyangt giawhag ang mga pasahero nga mo-demand sa mga drayber og hustong singil sa pletihan, kinahanglan sab nga mohatag og diskwento ang mga drayber mga pasaherong estudyante, senior citizen ug mga PWDs. — /IBM (BANAT NEWS)
- Latest
